اسلام آباد : پاکستان اور آئی ایم ایف کے درمیان بجٹ مذاکرات کا تیسرا دور کامیاب رہا، پاکستان نے عالمی ادارے کو تنخواہوں اورپنشن میں اضافے پرآمادہ کرلیا۔
تفصیلات کے مطابق پاکستان نے آئی ایم ایف کو تنخواہوں اور پنشن میں اضافے پر آمادہ کرلیا، اکتوبر تک بجلی اور گیس کی قیمتیں نہ بڑھانے پربھی اتفاق کر لیا گیا ہے۔
اسلام آباد میں ہونے والے مذاکرات میں پاکستان ذرائع کے مطابق پاکستان اورآئی ایم ایف کے درمیان بجٹ مذاکرات کاتیسرا دور اسلام آباد میں ہوا۔
جس میں پاکستان نے آئی ایم ایف کو تنخواہوں اور پنشن میں اضافے پرآمادہ کرلیا ہے، آئی ایمن ایف کو اس بات پر رضامند کرلیا گیا ہے کہ رواں سال ماہ اکتوبر تک بجلی اور گیس کی قیمتیں نہیں بڑھائی جائینگی۔
آئی ایم ایف کا کہنا ہے کہ اکتوبر تک بجلی اور گیس کی قیمتوں میں اضافہ نہیں ہوگا، مذاکرات میں بجٹ خسارہ قابو کرنے کیلئے متبادل آمدن پر بھی اتفاق کیا گیا ہے، آئی ایم ایف کو یقین دہانی کرائی گئی ہے کہ پاکستان نان ٹیکس آمدنی بڑھائے گا۔
ذرائع کا کہنا ہے کہ آئی ایم ایف 30 ستمبر تک شرائط نرم رکھے گا، اس بات کی یقین دہانیہ بھی کرائی گئی ہے کہ وفاقی حکومت اسٹیٹ بینک سے قرض بدستور منجمد رکھے گی۔
پاکستان موجودہ قرض پروگرام پر کاربند رہے گا، پاکستان کی جانب سے آئی ایم ایف کو قرض پروگرام کی بیشتر شرائط اکتوبر کے بعد پوری کرنے کی یقین دہانی کرادی گئی ہے۔
