اسلام آباد : آئی ایم ایف نے پاکستانی عوام کو بڑا خوشخبری سنادی، جنوری سے 13 ہزار 500 روپے ملیں گے۔
تفصیلات کے مطابق نئے قرض پروگرام میں مستحقین کے لیے مزید ریلیف کی تجویز پر آئی ایم ایف نے بینظیر کفالت پروگرام کی رقم میں اضافے کی منظوری دے دی۔
سہہ ماہی بنیادوں پر بے نظیر کفالت پروگرام کی رقم میں 3 ہزار روپے اضافہ منظور کیا گیا ہے، جنوری سے کفالت پروگرام کی رقم 13 ہزار 500 روپے ہو جائے گی ابھی کفالت پروگرام کے تحت 10 ہزار 500 روپے کیش دی جا رہی ہے۔
آئی ایم ایف کا کہنا تھا کہ ہم بے نظیر انکم پروگرام کی صلاحیت بہتر بنانے کے لیے کام کر رہے ہیں ایڈمنسٹریٹو سسٹم کی بہتری کیلئے ورلڈ بینک کے ساتھ ملکر کام کر رہے ہیں۔
عالمی مالیاتی ادارے نے بتایا کہ بی آئی ایس پی کیلئے رواں مالی سال 599 ارب روپے کا بجٹ رکھا گیا ہے،بے نظیر انکم پروگرام کے لیے مختص بجٹ جی ڈی پی کا 0.5 فیصد ہے۔
بے نظیر انکم پروگرام کے سالانہ بجٹ میں 27 فیصد اضافہ کیا گیا ہے،3 سالوں تک بے نظیر انکم سپورٹ پروگرام میں اندراج اوپن رکھا جائے گا۔
بے نظیر انکم کے تحت نئے الیکٹرانک پیمنٹ ماڈل کا پائلٹ شروع ہو گیا ہے، ابتدائی طور پر الیکٹرانک پیمنٹ ماڈل دو شہروں میں شروع کیا گیا ہے۔
نئے ماڈل میں صارفین کیلئے بینکنگ کے مزید آپشنز اور شفافیت شامل ہے تاہم جنوری سے نئے ماڈل کو آہستہ آہستہ دوسرے شہروں تک پھیلایا جائے گا۔