اسلام آباد: آئی ایم ایف نے سرکاری اداروں کی نجکاری کیلئے اقدامات کی ہدایت کرتے ہوئے اداروں کے نقصانات کی تازہ رپورٹ طلب کرلی۔
تفصیلات کے مطابق عالمی مالیاتی ادارے (آئی ایم ایف) اور وزارت خزانہ کے درمیان مذاکرات جاری ہے، ذرائع نے کہا ہے کہ سرکاری اداروں کے بڑھتے نقصانات پر آئی ایم ایف نے اظہار تشویش کیا۔
عالمی مالیاتی ادارے نے اداروں کی نجکاری کیلئے اقدامات کی ہدایت کرتے ہوئے اداروں کے نقصانات کی تازہ رپورٹ طلب کی ہے۔
- Advertisement -
ذرائع نے بتایا ہے کہ پاکستان نے اداروں کے نقصانات کی رپورٹ 2 روز میں دینے کی یقین دہانی کرادی ہے۔
وزارت خزانہ میں قائم سینٹرل مانیٹرنگ یونٹ اداروں کے نقصانات پر رپورٹ تیار کررہا ہے، سال 2022 میں سرکاری ملکیتی اداروں کے نقصانات 1400 ارب تھے، سال 2023 میں نقصانات بڑھنے کا خدشہ ہے۔
