اسلام آباد : آئندہ مالی سال کے بجٹ کے لیے تیاریاں جاری ہیں اس سلسلے میں پاکستان اور آئی ایم ایف درمیان بات چیت کا آغاز آج سے ہوگا۔
اس حوالے سے ذرائع کا کہنا ہے کہ پاکستان اور آئی ایم ایف کے درمیان بجٹ مذاکرات 14 سے 22 مئی تک ہوں گے، جس میں آئندہ بجٹ میں آمدن اور اخراجات پر بات چیت ہوگی۔
ذرائع کے مطابق آئندہ بجٹ میں ٹیکس آمدنی اور نان ٹیکس آمدنی پر بریفنگ دی جائے گی، اس کے علاوہ
بجٹ میں400ارب روپے کے ٹیکس اقدامات پر غور ہوگا۔
ذرائع نے بتایا کہ بات چیت میں آئندہ بجٹ میں ٹیکس ریلیف اقدامات پر بھی خصوصی سیشنز ہونگے، تنخواہ دار طبقے پرانکم ٹیکس میں ریلیف پر آئی ایم ایف کو منانے کیلئےخصوصی تیاریاں کی گئی ہیں۔
مذاکرات میں صنعتوں اور تعمیراتی شعبے کے لئے بھی آئی ایم ایف کو راضی کرنے کی کوشش کی جائے گی، آئی ایم ایف کے ساتھ ترقیاتی بجٹ اور اس ترجیحات پر مذاکرات ہوں گے۔
