اسلام آباد : آئی ایم ایف نمائندہ برائے پاکستان ایسٹرپریز نے اےآروائی نیوزکے رابطے پر دورہ پاکستان کی تصدیق کردی۔
تفصیلات کے مطابق پاکستان اور آئی ایم ایف کے درمیان مذاکرات کا شیڈول طے ہونے کے بعد آئی ایم ایف نمائندہ برائے پاکستان ایسٹرپریز سے اے آر وائی نیوز نے رابطہ کیا۔
جس میں ایسٹرپریز نے آئی ایم ایف وفد کے دورہ پاکستان کی تصدیق کردی اور بتایا آئی ایم ایف مشن اکتیس جنوری سے نو فروری تک دورہ کرے گا۔
آئی ایم ایف مشن کے دورے میں پاکستان کیساتھ نویں اقتصادی جائزے پر مذاکرات ہوں گے اور حکومت کو دیے گئے معاشی اہداف کا جائزہ لیا جائے گا۔
آی ایم ایف وفد ، وزارت خزانہ ، اوگرا ، ایف بی آراور نیپراحکام سےملاقاتیں کرے گا۔ مذاکرات دس روز تک جاری رہیں گے۔ کامیابی کی صورت میں پاکستان کیلئےایک ارب ڈالر کی قسط کی منظوری دی جائے گی۔
