مسقط: عمان سے بنگلہ دیش واپس جانے والے سینکڑوں بنگلہ دیشی مزدوروں نے بڑا فیصلہ کیا ہے۔
بین الاقوامی میڈیا کے مطابق عمان کی جانب سے رضاکارانہ اپنے وطن واپس جانے والے تارکین وطن کے لئے اہم اعلان کیا ہے کہ وہ تارکین وطن جو مسقط میں رہائش پزیر ہے انہیں بغیر کسی جرمانے اور دیگر ادائیگی کے بغیر ان کے وطن واپس جانے کی اجازت ہے۔
عمان کی جانب سے اس اعلان کے ساتھ سینکڑوں بنگلہ دیشی مزدور اپنے سفارت خانے کے سامنے جمع ہوگئے، مسقط میں بنگلہ دیش کے سفارتخانے کے ایک اہلکار سے جب سفارت خانے کے باہر کی صورتحال کے بارے میں استفسار کیا گیا تو انہوں نے کہا کہ ہم ان کی دستاویزات پر کارروائی کر رہے ہیں تاکہ وہ ملک چھوڑ سکیں۔
اس سے قبل عمانی میڈیا کے مطابق وزیر صحت احمد السعیدی نے سپریم کمیٹی میں پریس کانفرنس کرتے ہوئے اعلان کیا کہ سلطنت نے ہمسایہ ممالک کے ساتھ کورونا احتیاطی تدابیر کے ساتھ متصل بری سرحدیں کھول دی ہیں۔
یہ بھی پڑھیں: عمان نے سرحدیں کھول دیں، آمد و رفت کی اجازت
انہوں نے کہا کہ عمانی شہریوں اور رہائشی اجازت نامے کے حامل افراد ان بری راستوں کا استعمال کرتے ہوئے آمد و رفت کر سکتے ہیں، وزیر صحت نے واضح کیا کہ کورونا ایس او پیز کے ساتھ ہی شہریوں کو سلطنت سے باہر جانے اور واپس آنے کی اجازت ہوگی۔
