کراچی: ملک کے بین الاقوامی ایئرپورٹس پر تیز ترین امیگریشن کے لیے ’’ای گیٹس‘‘ کی تنصیب کا منصوبہ مزید تاخیر کا شکار ہو گیا ہے۔
تفصیلات کے مطابق پاکستان کے بین الاقوامی ایئرپورٹس پر ای گیٹس کی تنصیب کے منصوبے کے ٹینڈر کی تاریخ میں 10 اکتوبر تک توسیع کر دی گئی ہے۔
پاکستان ایئرپورٹس اتھارٹی انتظامیہ نے ٹینڈر تاریخ میں توسیع کا نوٹیفکیشن جاری کر دیا، اتھارٹی کے ذرائع کا کہنا ہے کہ اربوں روپے کے ای گیٹس منصوبے میں کم وقت کے باعث کسی کمپنی نے ٹینڈر میں حصہ نہیں لیا۔
ای گیٹس نصب کرنے کی تاریخ میں 10 اکتوبر تک توسیع کر دی گئی ہے، اتھارٹی کے مطابق حکومت نے تمام بین الاقوامی ایئرپورٹس پر مسافروں کو تیز ترین امیگریشن کے لیے ای گیٹس لگانے کے لیے ایئرپورٹس اتھارٹی کو ہدایت کی تھی۔
محکمہ پاسپورٹ نے بھی اسی وجہ سے ای پاسپورٹ کا اجرا شروع کر دیا ہے۔