بیرون ملک سے آنے والے عمرہ زائرین کے لیے اہم شرائط ختم کر کے انہیں ریلیف دیا گیا ہے۔
سعودی وزارت حج و عمرہ نے بیرون ممالک سے آنے والے عمرہ زائرین کے لیے ریپڈ پی سی آر ٹیسٹ اور کورونا ویکسینیشن سرٹیفکیٹ کی شرط ختم کر دی ہے۔
البتہ بیرونی عمرہ زائرین کے لیے کوویڈ 19 میڈیکل انشورنس اسکیم حاصل کرنا لازمی قرار دیا گیا ہے۔
وزارت نے واضح کیا تھا کہ اعتمرنا ایپ کے ذریعے عمرہ پرمٹ کا حصول اہم اور سہل ہے، عمرہ پرمٹ میں وقت تبدیل کرنے کی گنجائش نہیں البتہ عمرہ پرمٹ کا وقت شروع ہونے سے قبل اسے کینسل کروانے کے بعد دوسرا پرمٹ جاری کروایا جاسکتا ہے۔
وزارت حج و عمرہ کا کہنا تھا کہ پرمٹ کے اجرا کے لیے کم از کم عمر 5 برس ہے، اس سے کم عمر بچوں کے لیے پرمٹ جاری نہیں کیا جاتا۔
اس سے قبل غیر ویکسین شدہ ہونے کے حوالے سے پرمٹ کے بارے میں سوال کا جواب دیتے ہوئے وزارت حج و عمرہ کا کہنا تھا کہ پرمٹ کے لیے لازمی ہے کہ درخواست گزار کرونا وائرس میں مبتلا نہ ہو۔
