The news is by your side.

Advertisement

شوگر مافیا معاملے سے متعلق وزیر اعظم کا اہم فیصلہ

بنی گالہ میں قانونی ٹیم کی جسٹس قاضی فائز فیصلے پر وزیر اعظم کو بریفنگ، ہیلتھ سیکٹر میں اصلاحات پیکج لانے کا فیصلہ

اسلام آباد: وزیر اعظم عمران خان نے شوگر مافیا کے معاملے کے سلسلے میں دو ٹوک فیصلہ کرتے ہوئے کہا ہے کہ یہ معاملہ اب نہیں دبے گا۔

تفصیلات کے مطابق وزیر اعظم عمران خان کی زیر صدارت آج پی ٹی آئی کور کمیٹی کا اجلاس منعقد ہوا، جس میں شوگر اسکینڈل پر بھی بات چیت کی گئی۔

وزیر اعظم نے اجلاس میں کہا کہ لوگ سمجھ رہے ہیں کہ شوگر مافیا کا معاملہ دب گیا ہے، لیکن یہ معاملہ دبے گا نہیں، شوگر مافیا کے پیچھے ہوں، اسے منطقی انجام تک پہنچا کر رہوں گا، کیوں کہ شوگر مافیا سے حکومت نہیں عوام متاثر ہوئے ہیں۔

دریں اثنا، وزیر اعظم عمران خان کی زیر صدارت بنی گالہ میں حکومتی قانونی ٹیم کا اہم اجلاس منعقد ہوا جس میں مشیر پارلیمانی امور بابر اعوان اور اٹارنی جنرل خالد جاوید خان سمیت معاون خصوصی شہزاد اکبر اور وزیر اعظم کے پرنسپل سیکریٹری شریک ہوئے۔

قانونی ٹیم نے جسٹس قاضی فائز عیسیٰ فیصلے پر وزیر اعظم کو بریفنگ دی، اجلاس میں کیس سے متعلق سپریم کورٹ کے مختصر فیصلے کا بغور جائزہ لیا گیا، سپریم کورٹ کے احکامات کی روشنی میں کرونا سے متعلق قانون سازی پر بھی مشاورت کی گئی۔

جسٹس قاضی فائز عیسٰی ریفرنس؛ حکومت سپریم کورٹ کے فیصلے سے مطمئن ہے، شہزاد اکبر

اجلاس میں ہیلتھ سیکٹر میں قانون سازی کے لیے پیش رفت کا جائزہ لیا گیا، بابر اعوان نے وزیر اعظم کو ممکنہ قانون سازی کے اہم نکات پر بریفنگ دی۔

وزیر اعظم عمران خان نے اجلاس میں کہا کہ ہیلتھ سیکٹر میں اصلاحات کا پیکج لائیں گے، خواتین اور کمزور طبقات کے تحفظ کے لیے قوانین میں ترامیم کی جائیں گی۔

Comments

یہ بھی پڑھیں