لاہور: وزیراعظم کے معاون خصوصی علامہ طاہراشرفی نے حج ویزوں سے متعلق وضاحت کر دی۔
علامہ طاہراشرفی نے واضح کیا ہے کہ سعودی عرب نےحج سےمتعلق کہیں ویزےنہیں دئیے حج ویزوں کےنام پر گمراہ کرنے والوں کے خلاف کارروائی ہو گی۔
ویڈیو بیان میں علامہ طاہر اشرفی نے کہا کہ سعودی عرب حکومت نے حج کے سلسلے میں پاکستان یا کسی بھی جگہ پر مجاملہ ویزے نہیں دئیے حج ویزوں کے نام پر عوام کو گمراہ کرنے والوں کے خلاف قانون حرکت میں آئے گا۔
حکومت سعودی عرب نے حج کے سلسلہ میں پاکستان یا کسی بھی جگہ پر مجاملہ ویزے نہیں دئیے۔ حافظ محمد طاہر محمود اشرفی
حج ویزوں کے نام پر عوام کو گمراہ کرنے والوں کے خلاف قانون حرکت میں آئے گا ۔ @TahirAshrafi pic.twitter.com/0JPZh8am9C— Malik Ali Raza (@MalikAliiRaza) July 9, 2021
انہوں نے کہا کہ ایسے نوسرباز جو حج ویزوں کی بکنگ کریں گے ادارے حرکت میں آئیں گے اور ان کے خلاف کارروائی کی جائے گی۔
علامہ طاہر اشرفی نے کہا کہ سعودی عرب کے شرعیت کے مطابق فیصلہ کیا ہے اور شرعی طور پر حج کیلئے صحت، سفر کا امن اور اخراجات کا ہونا لازم ہے۔