The news is by your side.

Advertisement

عمانی وزارت صحت کی شہریوں کیلئے اہم ہدایات

مسقط: عمانی وزارت صحت نے شہریوں کو ایک بار پھر اہم ہدایات جاری کرتے ہوئے کہا کہ ضروری کام یا پھر ہنگامی صورت حال کے علاوہ کوئی بھی شخص گھر سے باہر نہ نکلے۔

عرب میڈیا کی رپورٹ کے مطابق وزارت صحت نے عوام کو خبردار کیا ہے کہ وہ عمانی سپریم کمیٹی اور متعلقہ اداروں کی ہدایات پر عمل درآمد جاری رکھیں جن میں سماجی فاصلہ رکھنا بہت ضروری ہے۔

کروناصورت حال کے حوالے سے محکمہ صحت نے تازہ رپورٹ جاری کی جس میں کہا گیا ہے کہ گزشتہ 24 گھنٹوں کے دوران عمان میں کرونا کے 438 نئے کیسز رپورٹ ہوئے اور ایک مریض کی موت ہوئی۔

نئے مریض سامنے آنے کے بعد عمان میں کرونا کے مجموعی کیسز کی تعداد 90 ہزار 660 ہوگئی ہے۔

ملک میں اب تک 84 ہزار 113 کرونا مریض صحت یاب ہوچکے ہیں جبکہ مجموعی اموات کی تعداد 797 ہے۔ عمان میں گزشتہ 24 گھنٹوں کے دوران کرونا کے 185 مریض صحت یاب ہوئے۔

عمان پہنچنے والوں کے لیے سخت ہدایات جاری

یاد رہے کہ گزشتہ روز عمان نے یکم اکتوبر2020 سے بین الاقوامی پروازیں بحال کرنے کا اعلان کیا ہے۔

حکام کا کہنا تھا کہ عمان پہنچنے والے تمام مسافروں کے پاس ہیلتھ انشورنس لازمی ہونی چاہیئے جس میں کم از کم 30 دن تک کے لیے کوویڈ 19 اور دوسری بیماریوں کے علاج کے اخراجات شامل ہوں۔

Comments

یہ بھی پڑھیں