The news is by your side.

Advertisement

وزیراعظم کی پی آئی اے کی تنظیم نو سے متعلق اہم ہدایات

وزیراعظم عمران خان نے قومی ایئرلائن کی تنظیم نو کو جلد عملی جامہ پہنانےکی ہدایت کرتے ہوئے کہا ہے کہ پی آئی اے کوعالمی سطح پر اپنا مقام واپس حاصل کرنا ہو گا۔

تفصیلات کے مطابق وزیراعظم عمران خان کی زیرِصدارت پی آئی اے سے متعلق اجلاس ہوا جس میں ڈاکٹر عشرت حسین نے پی آئی اے کی تنظیم نو کی حکمت عملی پر بریفنگ دی۔

وزیراعظم کو بتایا گیا کہ تنظیم نو سے پی آئی اے کی مالی حالت میں بہتری لائی جا سکےگی، منافع بخش روٹ بڑھا کرعالمی خطوط پر سروس فراہم کی جاسکےگی۔

سی ای او پی آئی اے ارشدملک نےادارےکی بہتری کیلئےاقدامات سے آگاہ کیا۔ وزیراعظم نے تنظیم نو کی حکمت عملی پر جلد اسٹیک ہولڈرز سے مشاورتی عمل اور تنظیم نو کو جلد عملی جامہ پہنانےکی ہدایت کی۔

وزیراعظم نے کہا کہ قومی ایئرلائن کا ماضی تابناک تھا اور اب پی آئی اے کو عالمی سطح پر اپنا مقام واپس حاصل کرنا ہو گا، آپریشنز کو منافع بخش بنانےکیلئےسروس عالمی معیار کی بنانا ہوگی۔

Comments

یہ بھی پڑھیں