محکمہ صحت سندھ نے 60 سال سے کم عمر افراد کے لیے کورونا پی سی آر ٹیسٹ ختم کردیا۔
محکمہ صحت سندھ نے تمام سرکاری اسپتالوں کے لیے نئی ایس او پیز جاری کر دی ہیں۔ ڈی جی ہیلتھ سندھ نے پی سی آر ٹیسٹ سے متعلق اہم ہدایات دیتے ہوئے کہا کہ پی سی آر ٹیسٹ 60 سال سے زائد عمر کے افراد کا کیا جائے گا۔
ہدایات میں کہا گیا ہے کہ 60 سال سے کم عمر افراد علامتیں موجود ہونے پر خود کو قرنطینہ کرلیں، علامتیں ہونے پر صرف تدریس اور تعلیمی اداروں سے منسلک افراد کا پی سی آر ٹیسٹ ہوگا۔
ڈی جی ہیلتھ سندھ کے مطابق اینٹیجن ٹیسٹ کی سہولت میسر ہونے کے بعد تمام کا ٹیسٹ شروع ہوگا، سیاح اپنے پی سی آر ٹیسٹ نجی لیبارٹریز سے ذاتی خرچ پر کروائیں۔
واضح رہے کہ کراچی کے بڑے سرکاری اسپتالوں میں کورونا کے مفت ٹیسٹ کی سہولت فراہم کی گئی ہے۔
