The news is by your side.

پاکستان پولیس کے لیے اہم عالمی اعزاز

اقوام متحدہ کے سیکریٹری جنرل انتونیو گوتریس نے آئی جی پنجاب کو یو این امن آپریشنز کے شعبے میں پولیس مشیر مقرر کر دیا ہے۔

اے آر وائی نیوز کے مطابق پاکستان پولیس کو اہم عالمی اعزاز حاصل ہوگیا ہے اور اقوام متحدہ کے سیکریٹری جنرل انتونیو گوتریس نے انسپکٹر جنرل آف پنجاب پولیس فیصل شاہکار کو اقوام متحدہ کے امن آپریشنز کے شعبے میں پولیس مشیر مقرر کر دیا ہے۔

آئی جی پنجاب فیصل شاہکار پرتگال کے لوئس کیریلو کی جگہ لیں گے۔

فیصل شاہکار محکمہ پولیس میں 30 سال سے زیادہ کا قومی اور بین الاقوامی تجربہ رکھتے ہیں، وہ پاکستان کے کئی اعلیٰ عہدوں پر خدمات انجام دے چکے ہیں اور ان دنوں آئی جی پنجاب کی ذمے داریاں انجام دے رہے ہیں۔

Comments

یہ بھی پڑھیں