The news is by your side.

Advertisement

وزیراعظم اور آرمی چیف کی اہم ملاقات

وزیراعظم عمران خان سے آرمی چیف جنرل قمر جاویدباجوہ کی ملاقات ہوئی ہے۔

نمائندہ اے آر وائی نیوز کے مطابق وزیراعظم سے آرمی چیف کی ملاقات پرائم منسٹر ہاؤس میں ہوئی جس میں پاک فوج کے پیشہ ورانہ امور پر تبادلہ خیال کیا گیا جب کہ ملکی سلامتی، سیکیورٹی اور امن و امان کی صورتحال پر بھی گفتگو ہوئی۔

اس سے قبل 14 فروری کو وزیراعظم اور آرمی چیف کی ون آن ون ملاقات ہوئی تھی جس میں قومی سلامتی اور علاقائی صورتحال پر تبادلہ خیال ہوا تھا۔

علاوہ ازیں وزیراعظم عمران خان اب سے کچھ دیر بعد قوم سے خطاب کرنے جارہے ہیں وزیر دفاع پرویزخٹک نے نوشہرہ میں خطاب کرتے ہوئے دعویٰ کیا کہ وزیراعظم آج اپنے خطاب میں پیٹرول فی لیٹر 10 روپے سستا کرنے کا اعلان کرینگے جبکہ بجلی کے فی یونٹ پر 5 روپے کمی کی جارہی ہے۔

وزیر دفاع نے کہا کہ وزیراعظم کے خطاب میں بے روزگار بی اے پاس افراد کو ماہانہ 20 ہزار روپے دینے کا بھی اعلان کیا جائے گا۔

Comments

یہ بھی پڑھیں