لندن : مسلم لیگ ن کی قیادت کی لندن میں آج اہم بیٹھک ہوگی، جس میں انتخابات کی تیاریوں سمیت نواز شریف کی وطن واپسی پر مشاورت کی جائے گی۔
تفصیلات کے مطابق سابق وزیراعظم شہباز شریف اور ن لیگ کی چیف آرگنائزر مریم نواز لندن پہنچ گئے ہیں ، لندن میں آج مسلم لیگ نواز کی اہم بیٹھک ہوگی۔
جس میں نوازشریف ، شہبازشریف اور مریم نوازشرکت کریں گی، میٹنگ میں انتخابات کی تیاریوں سمیت اہم امورپر مشاورت کی جائے گی اور پارٹی قائد کی 21 اکتوبر کو وطن واپسی سے متعلق حتمی فیصلہ کیا جائے گا۔
نواز، شہباز شریف اور مریم نواز آج ہونے والی بیٹھک میں مسلم لیگ ن کے ناراض رہنماؤں کے تحفظات پر بھی مشاورت کی جائے گی۔
یاد رہے شہبازشریف پاکستان میں صرف ایک دن گزارا تھا اور وہ لندن سےیہ کہہ کرآ ئے تھے کہ اب بھائی کااستقبال کریں گے، ذرائع کا کہنا ہےشہبازشریف پارٹی قائد نوازشریف کےلیےاہم پیغام لے کرگئے ہیں۔
