The news is by your side.

Advertisement

وزٹ ویزے پر حج کی ادائیگی کے خوائش مندوں کیلیے اہم خبر

ریاض: وزٹ ویزے پر حج کی ادائیگی کے خواہش مند افراد کے لیے سعودی وزارت حج و عمرہ کا اہم بیان سامنے آگیا ہے۔

سماجی رابطے کی ویب سائٹ ٹوئٹر پر ایک صارف کی جانب سے پوچھے گئے سوال کے جواب میں سعودی وزارت حج و عمرہ نے کہا کہ وزٹ ویزے رکھنے والے افراد حج ادا نہیں کر سکتے۔

وزارت نے کہا کہ حج کی ادائیگی کے لیے حج ویزہ حاصل کرنا لازمی ہے، حج پرمٹ کا حصول اقامہ سے مشروط ہے، قواعد و ضوابط کے مطابق مملکت میں مقیم غیر ملکی اور سعودی شہری بھی مقررہ ضوابط کے پابند ہیں۔

حج پرمٹ کے بغیر کوئی بھی شخص خواہ وہ ملکی اور غیر ملکی حج نہیں کر سکتا۔ حج پرمٹ حاصل کرنے کے لیے منظورشدہ حج خدمات فراہم کرنے والی کمپنیوں سے خدمات حاصل کی جاتی ہیں۔

یہ بھی واضح رہے کہ وزٹ اور عمرہ ویزے حج ویزے میں تبدیل نہیں کروائے جا سکتے۔

دوسری جانب سعودی وزارت حج و عمرہ نے توکلنا اور اعتمرنا ایپ کے ذریعے عمرہ اجازت نامے جاری کرانے والوں کو اہم ہدایات جاری کی ہیں۔

ادارے کا کہنا ہے کہ اگر زائرین اجازت نامے کی تاریخ میں کوئی ترمیم کرنا چاہتے ہوں تو اس کا مقررہ وقت شروع ہونے سے پہلے کروا سکتے ہیں، اجازت نامے کا وقت شروع ہونے پر ترمیم نہیں کرائی جا سکتی۔

سعودی ذرائع ابلاغ کے مطابق وزارت حج و عمرہ نے توجہ دلائی ہے کہ عمرہ اجازت ناموں کی تاریخ میں ترمیم کی سہولت میسر نہیں ہے۔ اگر پرمٹ ہولڈر اجازت نامہ منسوخ کرانا چاہتا ہو تو اجازت نامے کا وقت شروع ہونے سے چار گھنٹے قبل منسوخ کرا سکتے ہیں اور نیا اجازت نامہ جاری کرا سکتے ہیں۔

Comments

یہ بھی پڑھیں