کراچی : شہر قائد میں اسٹریٹ کرائم میں ملوث ملزمان نے انکشاف کیا ہے کہ روز تین سے چار وارداتوں کا ٹارگٹ لے کر نکلتے تھے۔
تفصیلات کے مطابق کراچی میں گلشن اقبال پولیس نے کارروائی کرتے ہوئے اسٹریٹ کرائم میں ملوث ملزمان کو سی سی ٹی وی فوٹیج کی مدد سے گرفتار کرلیا۔
پولیس نے بتایا کہ ملزمان کو سی سی ٹی وی میں سر سید یونیورسٹی کے قریب واردات کرتے ہوئے دیکھا جا سکتا ہے، گرفتار ملزمان میں گینگ کے 4 کارندے شامل ہیں، جن کی شناخت ظریف ,جگنو، حیدر اور سلمان کے ناموں سے ہوئی۔
گرفتار ملزمان سے چھینا ہوا سامان لیپ ٹاپ ،موبائل فونز اور کیش برآمد کرلیا گیا جبکہ ملزمان سے غیرقانونی اسلحہ دو پسٹل اور دو موٹر ساٸیکلیں بھی برآمد ہوئی۔
گرفتار ملزمان کا انکشاف کیا کہ وہ روز تین سے چار وارداتوں کا ٹارگٹ لے کر نکلتے تھے۔
پولیس کے مطابق ملزمان یونیورسٹی روڈ ،راشد منہاس روڈ سر سید یونیورسٹی روڈ اور گلستان جوہر اور مبینہ ٹاؤن عزیز بھٹی کی حدود میں وارداتیں کیں ہیں۔
ملزمان لیڈیز سے پرس اور موٹر ساٸیکل سواروں سے کیش اور موبائل فون چھینتے تھے۔
