The news is by your side.

Advertisement

لاہورجوہرٹاؤن دھماکے میں گرفتار دہشت گردوں سے متعلق حیرت انگیز انکشافات

لاہور : جوہرٹاؤن دھماکے کے الزام میں گرفتار دہشت گرد عید گل اوراس کے دو سگےبھائی فورتھ شیڈول میں شامل نکلے جبکہ عیدگل اور پیٹرپال نے پیسوں کی لالچ میں دھماکا کیا۔

تفصیلات کے مطابق لاہور جوہر ٹاؤن دھماکے کی تحقیقات میں اہم انکشافات سامنے آئے، ذرائع کا کہنا ہے کہ زیرحراست عیدگل اور اس کے 2بھائی فورتھ شیڈول میں شامل ہیں جبکہ عید گل گزشتہ سالوں میں متعدد مرتبہ بیرون ملک جاچکا ہے۔

عید گل وزیرستان سے جھنگ میں خاندان کے ساتھ رہائش رکھے ہوئے تھا اور کام کے لیے بھائیوں کے ساتھ راولپنڈی میں زیادہ وقت گزارتا تھا، عید گل اور پیٹرپال کا چند سال قبل رابطہ ہوا ، دونوں نے پیسوں کی لالچ میں دھماکا کیا۔

عید گل فورتھ شیڈول میں ہونے کے باوجود بیرون ملک اور دوسرے شہروں میں جانا پولیس کی کارکردگی پر سوالیہ نشان ہے ، عید گل سے مذید تفتیش کی جا رہی ہے اور مذید گرفتاریاں بھی متوقع ہیں۔

حکام کاکہناہےکہ ملزم عید گل نےبارود سےبھری گاڑی جوہر ٹاؤن میں پارک کی تھی، ملزم کو گزشتہ روزراولپنڈی سےگرفتارکیاگیا تھا جبکہ تفتیش کیلئے زیرحراست ملزمان کی تعداد سات ہوگئی ہے۔

پولیس کےمطابق دہشت گردپیٹرپال ڈیوڈنےدھماکےمیں استعمال کی گئی کارعیدگل کودی تھی، یہ کارپیٹرپال ڈیوڈنےدھماکہ سےسات روزقبل گوجرانوالہ سے خریدی تھی۔

Comments

یہ بھی پڑھیں