وفاقی دارالحکومت اسلام آباد میں قتل ہونے والی سابق سفارتکار کی بیٹی نورمقدم قتل کیس کی تفتیش میں انکشافات سامنے آئے ہیں۔
گزشتہ روز تھانہ کوہسار میں ہونے والی قتل کی واردات میں ملوث ملزم ظاہر جعفر کو پولیس نے گرفتار کر کے واقعے کی تفتیش شروع کر دی ہے۔
پولیس تفتیش کے مطابق ملزم ظاہرجعفر کے پاس امریکاکی شہریت ہے اور ملزم کا آج امریکاواپس جانے کا بھی پلان تھا۔
پولیس کا کہنا ہے کہ خاتون کوقتل کرنے پرملازم نے ملزم کے والد کو آگاہ کیا ملزم کےقبضہ سےآلہ قتل بھی برآمد کرلیا گیا۔
ایس ایس پی مصطفیٰ کے مطابق بظاہر ملزم کی جانب سے واردات منصوبہ بندی لگتی ہےکیس میں ہر پہلو سے تفتیش کی جارہی ہے ملزم کو کسی صورت کوئی رعایت نہیں ملے گی۔
گرفتار ملزم کراچی کی مشہور کاروباری شخصیت کا بیٹا ہے اور اس کا نام ظاہر جعفر ہےجب کہ مقتولہ کی شناخت نور مقدم کے نام سے ہوئی تھی۔
