The news is by your side.

Advertisement

حکومت کا بلوچستان کی ترقی کے لیے اہم قدم

کوئٹہ: حکومت کا بلوچستان کی ترقی کے لیے اہم اقدام سامنے آگیا، صوبے کے 4شہروں میں ورچوئل یونیورسٹی کے کیمپس کھولنے کا اعلان کردیا گیا۔

تفصیلات کے مطابق بلوچستان کے مختلف شہروں میں ورچوئل یونیورسٹی کے کیمپس کھولے جائیں گے۔ یونیورسٹی ترجمان نے تصدیق کردی۔ جن شہروں میں کیمپس کھولے جائیں گے ان میں پشین، تربت، اتل اور خضدار شامل ہیں۔

ورچوئل یونیورسٹی اور بلوچستان یونیورسٹی آف انجینئرنگ میں معاہدہ طے پاگیا۔

ترجمان کا کہنا تھا کہ وزارت آئی ٹی کی ہدایت پر معاہدے کو حتمی شکل دے دی ہے، کیمپس کے لیے عمارات بلوچستان یونیورسٹی فراہم کرے گی۔ صوبے کی ترقی کے لیے مستقبل میں مزید حکومتی اقدامات سامنے آئیں گے۔

علامہ اقبال اوپن یونیورسٹی کا فاٹا،بلوچستان کےطلبا کومفت تعلیم فراہم کرنےکا اعلان

خیال رہے کہ اکتوبر 2017 کو علامہ اقبال اوپن یونیورسٹی کے وائس چانسلر پروفیسر ڈاکٹرشاہد صدیقی نے انگریزی زبان وادب میں عصرحاضر کے رجحانات کے موضوع پر منعقدہ دو روزہ کانفرنس کی اختتامی تقریب سے خطاب کرتے ہوئے فاٹا اور صوبہ بلوچستان کے طلبا کو مفت تعلیم فراہم کرنے کا اعلان کیا تھا۔

جبکہ صوبے میں تعلیم کے فروغ سمیت دیگر منصوبوں پر بھی کام جاری ہے جس کا مقصد بلوچستان کے عوام کی محرومیوں کو دور کرنا اور صوبے کو ترقی یافتہ بنانا ہے۔

fb-share-icon0
Tweet 20

Comments

comments

یہ بھی پڑھیں