حکومت پاکستان نے شاہینوں کی کینگروز کے خلاف جاری ٹیسٹ سیریز میں آن لائن جوئے کا نوٹس لیتے ہوئے اس کے خلاف اہم قدم اٹھا لیا ہے۔
وفاقی وزارت اطلاعات نے پاک آسٹریلیا ٹیسٹ سیریز کے دوران آن لائن جوئے کے اشتہارات کی روک تھام کا حکم دے دیا ہے۔
وزارت اطلاعات کی جانب سے جاری اعلامیے کے مطابق آسٹریلیا کے خلاف پرتھ ٹیسٹ میں تسلسل کے ساتھ جوئے کی سرو گیٹ کمپنیوں کے لوگو دکھائے گئے۔
- Advertisement -
اعلامیے میں کہا گیا ہے کہ ہدایت جاری ہونے کے باوجود تشہیر کے دوران اس کی روک تھام نہ ہو سکی سج پر چھان بین اور ذمے داروں کا تعین کر کے رپورٹ ایک ہفتے میں جمع کرائی جائے۔
آسٹریلیا میں انتظامیہ کےمطابق یہ اشتہارات گراؤنڈ میں موجود نہیں بلکہ انہیں سپرامپوز کیا جا رہا ہے، جو غیر قانونی ہے۔