کراچی: قومی ایئر لائن (پی آئی اے) نے پروازوں کے دوران عملے کی سگریٹ نوشی کا سخت نوٹس لے لیا۔
فلائٹ آپریشن ڈپارٹمنٹ نے سرکلر جاری کر دیا جس کے مطابق پروازوں میں سگریٹ نوشی پر عملے کو فی کس ایک لاکھ روپے جرمانہ کرنے کا فیصلہ کیا گیا ہے۔
جرمانے سے متعلق فیصلہ یورپی سی اے اے سافا پروگرام کے تحت کیا گیا، مذکورہ فیصلہ پی آئی اے طیارے کی انسپکشن کے دوران اسموکنگ انکشاف پر کیا گیا۔
- Advertisement -
سرکلر میں کہا گیا ہے کہ پرواز پر تعینات دیگر عملے کی جانب سے سگریٹ نوشی کی رپورٹ کرنا ضروری ہے، رپورٹ نہ کرنے والے عملے کو بھی ایک لاکھ روپے فی کس جرمانہ عائد کیا جائے گا۔
اس میں مزید کہا گیا کہ پرواز پر تعینات عملہ نو اسموکنگ آن بورڈ پالیسی پر عمل درآمد کو یقینی بنائے۔
