پاکستان تحریک انصاف کے چیئرمین اور سابق وزیراعظم عمران خان نے کہا ہے کہ شوکت خانم اسپتال کراچی میں سال رواں کے آخر میں کھل جائے گا۔
اے آر وائی نیوز کے مطابق عمران خان نے شوکت خانم کینسر اسپتال کراچی کے حوالے سے سماجی رابطوں کی ویب سائٹ ٹوئٹر پر ٹویٹ کیا جس میں لکھا کہ شوکت خانم کینسر اسپتال کراچی میں سال رواں کے آخر میں کھلنے والا ہے۔
عمران خان نے کہا کہ تعمیراتی صنعت کو درپیش چیلنجز، کینسر آلات کی درآمد میں مشکلات کے باوجود اسپتال کا کام تیزی سے مکمل ہو رہا ہے۔
انہوں نے کہا کہ شوکت خانم اسپتال کراچی سہولتوں کے اعتبار سے لاہور سے دگنا ہوگا اور یہاں کینسر کے جدید آلات بھی ہوں گے۔
تعمیراتی صنعت کو درپیش تمام ترچیلنجز اور کینسر کےآلات کی درآمد میں مشکلات کےباوجود شوکت خانم کراچی، ماشاءاللہ رواں برس کےاواخر میں افتتاح کیلئے تیار ہے۔کراچی کا شوکت خانم میموریل ٹرسٹ جسامت میں لاہور کےاسپتال سے دوگنا اور سرطان کی(تشخیص و علاج)کےجدید ترین آلات سےمُزیّن ہوگا۔ pic.twitter.com/QrRJKQDYcj
— Imran Khan (@ImranKhanPTI) February 26, 2023
