اسلام آباد: وزیراعظم عمران خان کا کہنا ہے کہ بلوچستان کےعوام کی زندگی میں بہتری لانا حکومت کی اولین ترجیح ہے، وفاق بلوچستان کی تعمیروترقی میں ہرممکن معاونت کے لیے پرعزم ہے۔
تفصیلات کے مطابق وزیراعظم عمران خان کا کہنا ہے کہ وفاق بلوچستان کی تعمیروترقی میں ہرممکن معاونت کے لیے پرعزم ہے، معاشی استحکام کے بعد حکومت کی بھرپور کوشش ہے کہ صنعتی عمل تیز ہو۔
وزیراعظم نے کہا کہ کوشش ہے نوجوانوں کو نوکریوں کے زیادہ سے زیادہ مواقع میسر آئیں، معاشی استحکام سے بلوچستان کے نوجوانوں کو بھرپور مواقع میسر آئیں گے۔
وزیراعظم پاکستان نے کہا کہ حکومت بلوچستان کے نوجوانوں کو ہنر فراہم کرنے پر بھرپور توجہ دے رہی ہے، احساس پروگرام، صحت انصاف کارڈ سے صوبے کےعوام کو سہولت ملے گی۔ انہوں نے منتخب اراکین کو عوام کے مسائل اجاگر کرنے، ان کے حل میں کردار ادا کرنے کی ہدایت بھی کی۔
وزیراعظم عمران خان نے کہا کہ بلوچستان کےعوام کی زندگی میں بہتری لانا حکومت کی اولین ترجیح ہے، وفاق بلوچستان کی تعمیر وترقی میں ہرممکن معاونت کے لیے پرعزم ہے۔
تعمیراتی شعبے میں حائل رکاوٹیں دور کرنا حکومت کی ترجیح ہے، وزیراعظم
یاد رہے کہ گزشتہ روز وزیراعظم عمران خان کا کہنا تھا کہ تعمیراتی شعبے میں حائل رکاوٹیں دور کرنا حکومت کی ترجیح ہے، نیا پاکستان ہاؤسنگ کے لیے سرکاری زمینوں کو استعمال میں لایا جائے۔
وزیراعظم کا کہنا تھا کہ بیرون ملک پاکستانی ملک کا اثاثہ ہیں، اوورسیز پاکستانیوں کو رقوم ترسیل میں ہرممکن آسانی فراہم کی جائے، معیشت مضبوط کرنےوالے اوورسیز پاکستانیوں کو مراعات دی جائیں۔
