پاکستان شوبز انڈسٹری کے اداکار و میزبان عمران اشرف اور ماڈل کرن اشفاق کو بیٹے کی سالگرہ نے اکھٹا کردیا۔
فوٹو اینڈ شیئرنگ ایپ انسٹاگرام پر عمران اشرف اور کرن اشفاق دونوں تصاویر و ویڈیو شیئر کی ہے، جس میں دونوں کو علیحدگی ہو جانے کے باوجود بیٹے روہم کی پانچویں سالگرہ ساتھ مناتے ہوئے دیکھا جاسکتا ہے۔
طلاق کے باوجود گزشتہ سال کی طرح اس سال بھی دونوں بیٹے کی سالگرہ کا جشن منانے کے لیے سب رنجشوں اور گلوں شکووں کو بھلا کر ایک ہو گئی۔
View this post on Instagram
سوشل میڈیا پر جاری تصویر میں روہم کو ہلک لباس میں دیکھا جاسکتا ہے جب کہ وہ اپنے والد عمران اشرف کے ساتھ کیک کاٹ رہے ہیں۔
View this post on Instagram
یاد رہے کہ عمران اشرف اور کرن اشفاق 2018 میں شادی کے بندھن میں بندھے تھے، اس جوڑی کے ہاں 2020 میں بیٹے روہم کی پیدائش ہوئی تھی۔
بعدازاں دونوں کے درمیان درمیان نومبر 2022 میں طلاق ہوگئی تھی، طلاق کے تقریباً ایک سال بعد دسمبر 2023 میں کرن اشفاق نے دوسری شادی کرلی تھی۔
