صوابی: تحریک انصاف کے سربراہ عمران خان کہنا ہے کہ تمام جماعتیں ایک دوسرے کو بچانے کیلئے اکٹھا ہوئی ہیں، تحریک انصاف ان کا مقابلہ کرے گی۔
عمران خان صوابی میں جلسے سے خطاب کرتے ہوئے ہمیشہ کی طرح پرجوش نظر آئے اورکہا کہ خیبرپختونخواہ میں میں اگلی باری بھی تحریک انصاف کی ہوگی۔
عمران خان کا کہنا تھا کہ تحریک انصاف اور دوسروں کی حکومت میں فرق یہ ہوگا کہ پی ٹی آئی پاور عوام تک پہنچائے گی ۔
کپتان کا کہنا تھا کہ خیبرپختونخواہ میں غریب بچوں کوبہترین تعلیم دیں گے اورحکومت لاوارث بچوں کی ذمہ داری لے گی۔
انہوں نے یہ بھی کہا کہ خیبر پختونخواہ کی تمام یونین کونسلوں میں کرکٹ اسٹیڈیم بنائیں جائیں گے۔
اس موقع پرعوامی جمہوری اتحادکی تحریک انصاف میں شمولیت پرخوش آمدید کہا اورمبارکباد پیش کی۔
