site
stats
پاکستان

عمران فاروق قتل کیس کے تینوں ملزمان 7روزہ جسمانی ریمانڈ پر ایف آئی اے کے حوالے

اسلام آباد: ڈاکٹر عمران فاروق قتل کیس کے نامزد ملزمان کو انسداد دہشت گردی کی عدالت نے سات روزہ ریمانڈ پر ایف آئی اے کے حوالے کر دیا گیا۔

اسلام آباد کی انسداد دہشت گردی کی خصوصی عدالت میں ڈاکٹر عمران فاروق قتل کیس کے نامزد ملزمان معظم علی، خالد شمیم اور محسن علی پیش کیا گیا۔ انسداد دہشت گردی کی عدالت کے جج کوثر عباس نے کیس کی سماعت کی۔

ایف آئی اے کی نگرانی میں ملزمان کو سخت سیکیورٹی میں لایا گیا، ایف آئی اے نے ملزمان کے پندرہ روزہ جسمانی ریمانڈ کی استدعا کی، جس کے بعد ملزمان کو سات روزہ ریمانڈ پر ایف آئی اے کے حوالے کر دیا گیا۔

گزشتہ روز ملزمان سید محسن علی، معظم علی خان اور خالد شمیم کو اسلام آباد کے جوڈیشل مجسریٹ کی عدالت میں پیش کیا، جہاں ان کی شناخت کرنے کے بعد عدالت نے انہیں ایک روزہ راہداری ریمانڈ پر ایف آئی اے کی تحویل میں دے دیا تھا۔

واضح رہے کہ ڈاکٹر عمران فاروق کو پانچ سال قبل لندن میں قتل کیا گیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top