The news is by your side.

‘ملک ڈوبا ہوا ہے پرائم منسٹر سیر سپاٹے کر رہا ہے’

کراچی: سابق گورنر سندھ عمران اسماعیل نے وزیراعظم پر تنقید کرتے ہوئے کہا کہ ملک ڈوبا ہواہے کرائم منسٹر سیر سپاٹے کر رہا ہے۔

تفصیلات کے مطابق سابق گورنر سندھ عمران اسماعیل نے سماجی رابطے کی ویب سائٹ ٹوئٹر پر اپنے بیان میں کہا کہ کمال ہے پورا اشتہاری خاندان ملک کے فیصلے کررہا ہے، وہ بھی ان فلیٹس میں جو چوری کے پیسوں کے ہیں۔

عمران اسماعیل کا کہنا تھا کہ کیا یہ سمجھتے ہیں عوام کو یہ سب نظر نہیں آتا، ملک ڈوبا ہواہے کرائم منسٹر سیر سپاٹے کر رہا ہے ، دوسری طرف قوم کاحقیقی رہبر عمران خان حقیقی آزادی کی جنگ لڑرہا ہے۔

خیال رہے وزیراعظم شہباز شریف 2 روزہ دورے پر لندن میں موجود ہیں ، جہاں انھوں نے مسلم لیگ ن کے قائد نواز شریف سے ملاقات کی۔

ملاقات میں انتخابات مقررہ وقت پر کرانے پر اتفاق کیا گیا۔

Comments

یہ بھی پڑھیں