کراچی: گورنر سندھ عمران اسماعیل کا کہنا ہے کہ کینجھر تباہ ہوچکی ہے اسے سنبھالنے کی ضرورت ہے۔ ابھی بھی وقت ہے مل کر تمام معاملات صحیح کر سکتے ہیں۔
تفصیلات کے مطابق گورنر سندھ عمران اسماعیل کا کہنا ہے کہ سندھ میں پانی کی قلت ہے، بارشیں نہ ہوئی تو مزید پریشانی ہوگی، کینجھر تباہ ہوچکی ہے اسے سنبھالنے کی ضرورت ہے۔
گورنر سندھ کا کہنا تھا کہ وفاق کا کام ہے وہ پورا کر رہا ہے صوبے کو پورا پانی مل رہا ہے، سندھ کو ڈیمز بنانے تھے، پانی پر توجہ نہیں دی گئی۔ ابھی بھی وقت ہے مل کر تمام معاملات صحیح کر سکتے ہیں۔
مزید پڑھیں: ملک بھر میں قائم غیر قانونی ہائیڈرنٹس مسمار کردیے جائیں گے
انہوں نے کہا کہ وفاقی حکومت نے کے فور کے لیے پوری فنڈنگ کی۔
سابق صدر آصف علی زرداری کے حوالے سے ان کا کہنا تھا کہ آصف زرداری کنفیوژن کا شکار ہیں، ان پر لاتعداد الزامات ہیں۔ ’انہوں نے جو بات کہی وہ افسوسناک ہے، زرداری بتائیں انہیں کون لایا، بی بی کی شہادت پر سیاست چمکائی‘۔
گورنر کا کہنا تھا کہ طاقتور کا احتساب ہونے لگا ہے۔ ’ہم سے 100 دن کا حساب مانگنے والوں نے 70 سال میں کچھ نہیں کیا‘۔
