پاکستان تحریک انصاف (پی ٹی آئی) ترجمان رؤف حسن کے بیان پر سابق پی ٹی آئی رہنما عمران اسماعیل کا ردعمل سامنے آگیا ہے۔
تفصیلات کے مطابق پاکستان تحریک انصاف کے سابق رہنما عمران اسماعیل نے کہا کہ رؤف حسن خود ایک دن بھی جیل گئے نہ کسی تحریک کا حصہ بنے، جو پیسے لے کر ترجمان بنے بیٹھے ہوں وہ ہماری کہانی کیا سنائیں گے، ان کو ہمارا اتنا خوف کیوں ہے۔
واضح رہے کہ اے آر وائی نیوز کے پروگرام میں رؤف حسن نے علی زیدی، عمران اسماعیل، فواد چوہدری سے متعلق بیان دیا تھا، انہوں نے کہا تھا بتا دیں گے تینوں کتنی دیر اور کیسی وی آئی پی جیل میں رہے۔
- Advertisement -
رؤف حسن نے بتایا تھا کہ بانی پی ٹی آئی کی ہدایت پر فواد چوہدری، عمران اسماعیل اور علی زیدی کو پارٹی سے باضابطہ طور پر نکال دیا گیا ہے، انہیں کسی بھی صورت میں واپس پارٹی میں قبول نہیں کیا جائے گا۔
