کراچی: گورنر سندھ عمران اسماعیل کا کہنا ہے کہ 9 روز کے قرنطینہ کے بعد خود کو بہتر محسوس کر رہا ہوں، کل دوبارہ اپنا کرونا وائرس کا ٹیسٹ کرواؤں گا۔
تفصیلات کے مطابق گورنر سندھ عمران اسماعیل نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ آج قرنطینہ میں 9 دن ہوگئے ہیں۔
گورنر سندھ کا کہنا تھا کہ طبیعت بہت بہتر محسوس کر رہا ہوں، وائرس کی کچھ علامات تھیں جیسے کھانیس، بخار اور سانس لینے میں تکلیف جو آہستہ آہستہ ختم ہو رہی ہیں۔
Today is day 9 of my Quarantine, I am felling a lot better. Had a few symptoms like coughing, fever & a little shortness of breath earlier which is now fading out. Will get my retest done tomorrow. Thankful to all those who prayed for me. Allah Kareem has been kind. @ImranKhanPTI
— Imran Ismail (@ImranIsmailPTI) May 5, 2020
انہوں نے مزید کہا کہا کل دوبارہ اپنا کرونا وائرس کا ٹیسٹ کرواؤں گا، آپ سب کی دعاؤں کا بہت شکریہ۔
خیال رہے کہ گورنر سندھ عمران اسماعیل میں 27 اپریل کو کرونا وائرس کی علامات ظاہر ہوئی تھیں، بعد ازاں کرونا وائرس ٹیسٹ کروانے پر وہ مثبت نکلا تھا جس کے بعد گورنر سندھ نے خود کو قرنطینہ کرلیا تھا۔
عمران اسماعیل کا کہنا تھا کہ میری والدہ آئی تھیں اور ہم نے مل کر افطار کیا، والدہ کے جانے کے بعد بخار ہوا جس کے بعد ٹیسٹ کروانے کا سوچا۔
وزیر اعظم عمران خان نے گورنر سندھ کے لیے نیک تمناؤں کا اظہار کیا جبکہ ان کی صحتیابی کی دعا بھی کی۔
