سابق گورنر سندھ عمران اسماعیل نے نگراں سیٹ طویل عرصے تک جاری رہنے کا خدشہ ظاہر کیا ہے اور کہا ہے نگراں وزیراعظم مکمل با اختیار ہوگا۔
تحریک انصاف کے منحرف رہنما اور سابق گورنر سندھ عمران اسماعیل نے سماجی رابطوں کی ویب سائٹ ٹوئٹر پر ملکی سیاسی صورتحال پر اظہار خیال کرتے ہوئے کہا آنے والی عبوری حکومت انتہائی اہمیت کی حامل ہوگی جس میں وزیراعظم مکمل با اختیار ہوگا تاہم نگراں سیٹ طویل عرصے کے لیے ہو سکتا ہے۔
عمران اسماعیل نے مزید کہا کہ مجھے اس وقت تو الیکشن ہوتے نظر نہیں آ رہے ہیں اور نہ الیکشن نتائج سے کسی بہتری کی امید ہے۔ پی ڈی ایم کی ڈیڑھ سالہ کارکردگی دیکھ کر اندازہ لگایا جا سکتا ہے کہ یہ ملک چلانے کی بالکل بھی اہل نہیں ہے۔
آنے والی عبوری حکومت انتہائی اہمیت کی حامل ہوگی- وزیر اعظم مکمل بااختیار ہومگے اور یہ سیٹ اپ ایک لمبے عرصے کے لئے ہو سکتا ہے- مجھے اس وقت الیکشن ہوتے نا تو نظر آ رہے ہیں اور نا ہی الیکشن کے نتائج سے کوئی بہتری کی امید ہے- جو کارکردگی PDM نئے دکھائی ہے اس سے اندازہ لگایا جا سکتا…
— Imran Ismail (@ImranIsmailPTI) August 8, 2023
ان کا کہنا تھا کہ پاکستان کو جانتے بوجھتے لٹیروں کے حوالے نہیں کیا جا سکتا، حفیظ شیخ عبوری وزیر اعظم کیلیے اچھے امیدوار ہو سکتے ہیں جو کہ معاشی ماہر مانے جاتے ہیں جب کہ بیگم شمشاد اختر کا نام بھی گردش کر رہا ہے اس کے علاوہ رضا باقر فنانس منسٹر کیلیے موزوں ترین ہو سکتے ہیں۔
