اسلام آباد: وزیر اعظم عمران خان نے اپنے ترجمان ندیم افضل چن کا استعفیٰ منظور کر لیا۔
تفصیلات کے مطابق وزیر اعظم کی جانب سے ترجمان افضل چن کے استعفے کی منظوری کے بعد کابینہ ڈویژن نے نوٹیفکیشن جاری کر دیا۔
ندیم افضل چن نے 2 دن قبل بطور ترجمان وزیر اعظم عہدے سے استعفیٰ دیا تھا۔
ذرائع کا کہنا تھا ندیم افضل چن پارٹی پالیسی سے انحراف کرتے ہوئے بیانات دے رہے تھے، وزیر اعظم نے وفاقی کابینہ اجلاس میں پالیسی لائن پر وزرا کو تنبیہ کر دی تھی۔
پیپلز پارٹی کے سینئررہنما ندیم افضل چن کی عمران خان سے ملاقات .
وائس چیئرمین شاہ محمود قریشی، سینئر رہنما جہانگیر ترین اور شمالی پنجاب کے صدر عامر کیانی بھی موجود .کرپشن کیخلاف تحریک انصاف کی جدوجہد کو سراہا . pic.twitter.com/e58Imzn508
— Tehreek-e-Insaf (@InsafPK) April 19, 2018
وزیراعظم نےکہا تھا کہ جو پالیسی لائن پر نہیں چل سکتے وہ الگ ہو جائیں، وزیر اعظم کے دو ٹوک مؤقف کے بعد ندیم افضل چن نے عہدے سے استعفیٰ دے دیا تھا۔
ندیم افضل چن کو گزشتہ برس جنوری میں وزیر اعظم پاکستان عمران خان کا ترجمان مقرر کیا گیا تھا۔ پیپلز پارٹی کے سینئر رہنما ندیم افضل چن نے 19 اپریل 2018 کو پی ٹی آئی چیئرمین عمران خان سے ملاقات کر کے پاکستان تحریک انصاف میں شمولیت اختیار کی تھی۔
