بانی تحریک انصاف اور ان کی پارٹی کے دیگر رہنماؤں کو بڑا ریلیف مل گیا ہے اور عدالت نے انہیں ایک مقدمے سے بری کر دیا ہے۔
اے آر وائی نیوز کے مطابق اسلام آباد کی سیشن عدالت نے دفعہ 144، ایمپلی فائی ایکٹ کی خلاف ورزی اور دیگر دفعات کے تحت درج مقدمے سے بانی پی ٹی آئی عمران خان، اسد قیصر، شیخ رشید، فیصل جاوید کو بری کر دیا ہے۔
سیشن عدالت میں جوڈیشل مجسٹریٹ یاسر محمود نے مذکورہ مقدمے میں بریت کی درخواست کی سماعت کی اور ملزمان کے حق میں فیصلہ سنایا۔
- Advertisement -
سیشن عدالت نے اس مقدمے سے سیف اللہ نیازی، صداقت عباسی اور علی نواز کو بھی بری کر دیا ہے۔
واضح رہے کہ بانی پی ٹی آئی سمیت دیگر کے خلاف دو سال قبل 20 اگست 2020 کو تھانہ آبپارہ میں دفعہ 144 کی خلاف ورزی سمیت دیگر دفعات کے تحت مقدمہ درج کیا گیا تھا۔
