27.9 C
Ashburn
بدھ, مئی 22, 2024
اشتہار

‘ملک کی فکر نہ ہو تو میں چاہوں گا ان کی حکومت مزید چند ماہ اور چلے’

اشتہار

حیرت انگیز

پاکستان تحریک انصاف کے چیئرمین عمران خان نے کہا ہے کہ ملک کی فکر نہ ہو تو میں چاہوں گا کہ ان کی حکومت مزید چند ماہ اور چلے۔

سابق وزیراعظم اور پی ٹی آئی چیئرمین عمران خان نے ملتان میں جلسہ عام سے خطاب کرتے ہوئے کہا کہ عمران خان نے کہا کہ سازش کرکے حکومت گرائی اب ہمارے اور ان کے دور کا موازنہ کرلیں، ملک کی فکر نہ ہو تو میں تو چاہوں گا کہ ان کی حکومت چند ماہ اور چلے تاکہ ساری قوم کے سامنے انکی اصل شکل آئےکیونکہ انہوں نے کرپشن کے علاوہ کچھ نہیں کیا۔

عمران خان نے کہا کہ سیاست کا سوچیں تو ہم چاہیں گے کہ یہ ابھی مزید کچھ وقت چلیں لیکن ہم پاکستان کا سوچ رہے ہیں، ملک کا دیوالیہ نکل رہا ہے، روپے کی قدر گر رہی ہے، مہنگائی کا نیا طوفان آنے والا ہے کیونکہ ڈالر کی قیمت بڑھتی جا رہی ہے، یہ جتنی دیر چلیں گے یہ جتنی دیر چلیں گے یہ بھی ذلیل ہونگے اور سازش کرکے لانے والے بھی۔

- Advertisement -

انہوں نے کہا کہ مہنگائی بڑھتی گئی تو سری لنکا میں دیکھ لیں کیا حال ہے، یہ لوگ پاکستان کو سری لنکا جیسے حالات کی طرف لے جارہے ہیں، ہم اسی لیے مطالبہ کرتے ہیں جلد سے جلد اسمبلیاں تحلیل کرو اور الیکشن کی تاریخ کا اعلان کرو۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں