لاہور : تحریک انصاف کے رہنما اسد عمر کا کہنا ہے کہ سپریم کورٹ کے فیصلے کے بعد عمران خان اگلے لائحہ عمل کا اعلان کریں گے۔
تفصیلات کے مطابق تحریک انصاف کے رہنما اسد عمر نے سپریم کورٹ لاہور رجسٹری کے باہر میڈیا سے گفتگو کرتے ہوئے کہا کہ ڈپٹی اسپیکر کی رولنگ آئین و قانون سے متصادم ہے۔
اسد عمر کا کہنا تھا کہ پاکستان پرچند خاندان مسلط ہیں، یہ نظام ہمیشہ ہمیشہ کے لیے ختم ہورہا ہے اور پاکستان کےعوام اس نظام کوآئین کے مطابق اپنےہاتھوں میں لےرہےہیں۔
تحریک انصاف کے رہنما نے کہا کہ سپریم کورٹ کے فیصلے کے بعد عمران خان اگلے لائحہ عمل کی کال دیں گے۔
گزشتہ روز پنجاب اسمبلی میں وزیر اعلیٰ کے انتخاب کے لیے ووٹنگ ہوئی تھی، ووٹنگ کے بعد ڈپٹی اسپیکر دوست محمد مزاری نے چوہدری شجاعت کے خط کو جواز بنا کر مسلم لیگ ق کے 10 ووٹ مسترد کرتے ہوئے حمزہ شہباز کو وزیر اعلیٰ پنجاب برقرار رکھنے کا اعلان کیا تھا۔
