The news is by your side.

Advertisement

‘اوور سیز پاکستانی برطانوی اراکین پارلیمنٹ کو خط لکھ کر امپورٹڈ حکومت کیخلاف مہم چلائیں’

پی ٹی آئی چیئرمین اور سابق وزیراعظم عمران خان نے برطانیہ میں مقیم پاکستانیوں کو ہدایت کی ہے کہ وہ برطانوی ممبران پارلیمنٹ کو خط لکھ کر امپورٹڈ حکومت کے خلاف مہم چلائیں۔

سابق وزیراعظم اور پی ٹی آئی چیئرمین عمران خان نے اوورسیز پاکستانیوں سے ویڈیو لنک خطاب کرتے ہوئے کہا کہ برطانیہ میں مقیم اوورسیز پاکستانیوں کو ہدایت کی کہ برطانوی ممبران پارلیمنٹ کو خط لکھ کر امپورٹڈ حکومت کے خلاف مہم چلائیں۔

برطانوی دارالحکومت میں دو مختلف مقامات پر ویڈیو لنک کے ذریعے عمران خان کا خطاب سننے کا اہتمام کیا گیا جہاں پر سینکڑوں اورسیز پاکستانی مرد خواتین اور بچوں نے اپنے پسندیدہ لیڈر کی گفتگو سنی۔

عمران خان نے خطاب کرتے ہوئے کہا کہ اوورسیز پاکستانیوں نے ہمیشہ انکی کال پر لبیک کہا ہے۔

انہوں نے اوورسیز پاکستانیوں کو ہدایت کی کہ اپنے مقامی ممبران پارلیمنٹ کو خطوط لکھیں اور ان سے مطالبہ کریں کہ برطانوی حکومت لکھیں اور پاکستان میں بیرونی سازش کے نتیجے میں مسلط کی گئی حکومت کے خلاف مہم چلائیں۔

اس موقع پر اوورسیز پاکستانیوں نے اے آر وائے نیوز سے گفتگو کرتے ہوئے کہا کہ ضرورت پڑی تو ہم عمران خان کی کال پر پاکستان جانے کو بھی تیار ہیں۔ اوورسیز پاکستانیوں نے برطانوی حکومت کو بھی تنقید کا نشانہ بنایا اور لندن کی بسوں سے نوازشریف اور شہباز شریف کی تصاویر ہٹانے کا مطالبہ کیا۔

Comments

یہ بھی پڑھیں