اسلام آباد: ڈاکٹرشہبازگل کو عمران خان کا چیف آف اسٹاف اور عثمان ڈار کو عمران خان کا فوکل پرسن برائے یوتھ افیئرز مقرر کردیا گیا۔
تفصیلات کے مطابق ڈاکٹر شہباز گل کو عمران خان کا چیف آف اسٹاف مقرر کردیا گیا ، چیئرمین پی ٹی آئی عمران خان نے تعیناتی کی منظوری دے دی۔
شہبازگل کی بطورچیف آف اسٹاف تعیناتی کا نوٹیفکیشن جاری کردیا گیا ہے ، اس سے قبل مرحوم رہنما نعیم الحق یہ ذمہ داری سرانجام دے چکے ہیں ، نعیم الحق کے بعد یہ عہدہ کسی کو نہیں دیا گیا تھا۔
شہبازگل چیئرمین سیکریٹریٹ بنی گالہ سے اہم ذمہ داریاں سر انجام دیں گے۔
دوسری جانب عثمان ڈارعمران خان کے فوکل پرسن برائے یوتھ افیئرز مقرر کردیئے گئے، عمران خان کی منظوری سے عثمان ڈار کی تعیناتی کا نوٹی فکیشن جاری کردیا گیا ہے۔
عثمان ڈار کا کہنا تھا کہ میں پارٹی چیئرمین عمران خان صاحب کا مشکور ہوں ، عمران خان نے نوجوانوں سے متعلقہ امور کی ذمہ داری مجھےسونپی ہے۔
انھوں نے مزید کہا کہ اس نئی تحریک میں نوجوانوں کو پہلے سے زیادہ متحرک کرں گے اور نوجوانوں کو فعال بنانے کیلئے انہیں فیصلہ سازی میں شامل کریں گے۔
