کالاباغ: پاکستان کے معروف لوک گلوکار عطااللہ خان عیسیٰ خیلوی نے سابق وزیر اعظم عمران خان پر قاتلانہ حملے کے بعد ویڈیو بیان جاری کی ہے۔
گلو کار عطااللہ عیسیٰ خیلوی نے ٹوئٹر پر جاری کردہ ویڈیو بیان میں کہا کہ ہمارے خان پر کسی ظالم نے حملہ کیا ہے، اللہ پاکستان اور خان کو سلامت رکھے اور انکی حفاظت فرمائے۔
لوک گلوکار عطااللہ عیسیٰ خیلوی کا مزید کہنا تھا کہ مائیں بہنیں سجدہ ریز ہو کر خان کی درازی عمر کیلئے دعا کریں۔
عمران خان کو الله اپنے حفظ و امان میں رکھے سب مل کر اپنے خان اور وطن کے لئے دعا کریں #ImranKhan pic.twitter.com/dbQEXXDfUN
— Attaullah khan Esakhelvi (@PTI0092) November 3, 2022
واضح رہے کہ گزشتہ روز حقیقی آزادی مارچ میں کنٹینر کے قریب فائرنگ ہوئی جس کے نتیجے میں عمران خان زخمی ہوگئے۔
حقیقی آزادی مارچ کے وزیرآباد میں داخل ہوتے ہی چیئرمین پی ٹی آئی عمران خان کے کنٹینر کے قریب فائرنگ ہوئی، قاتلانہ حملے میں عمران خان سمیت 6 افراد زخمی اور ایک شخص جاں بحق ہوگیا۔
