The news is by your side.

Advertisement

"امپورٹڈ حکومت کے خلاف تاریخی جلسہ کرنے پر اٹک کا شکریہ”

اسلام آباد: چیئرمین پاکستان تحریک انصاف عمران خان نے کامیاب جلسے پر اٹک کی عوام کو مبارک باد دی ہے۔

تفصیلات کے مطابق سماجی رابطے کی ویب سائٹ ٹوئٹر پر جاری بیان میں عمران خان نے کہا کہ اٹک میں ایک اور ریکارڈ جلسہ بنانے والےتمام لوگوں کا شکریہ ادا کرتا ہوں، عوام کا سمندر اس بات کی گواہی دے رہا تھا کہ جلسہ گاہ اتنے بڑےجم غفیر کیلئے نہایت تنگ تھی۔

اپنے ٹوئٹ میں عمران خان نے کہا کہ قوم اسلام آباد کےحقیقی آزادی مارچ کیلئے تیار ہورہی ہے۔

گذشتہ روز اٹک میں جلسہ عام سے خطاب کرتے ہوئے پی ٹی آئی چیئرمین عمران خان کا کہنا تھا کہ ہمارے ملک میں ایک فیصلہ کن وقت ہے، بڑا فیصلہ ہونےجارہا ہے، کیا ہم ایک آزاد ملک بن کر رہیں گے یا امریکا کی غلامی کریں گے۔

میں نے فیصلہ کیا ہے یہ سیاست نہیں جہاد ہے جب تک زندہ ہوں کبھی ان چوروں، ڈاکوؤں،غلاموں کو قبول نہیں کروں گا تھری اسٹوجس نے بائیڈن کے ساتھ مل کر حکومت گرائی۔

پی ٹی آئی کے چیئرمین عمران خان کا مزید کہنا تھا کہ یہ وقت حقیقی آزادی کی جنگ کا ہے،جیل جانے اور مرنے سے نہیں ڈرتا لیکن سمجھوتا کسی صورت نہیں کروں گا۔

Comments

یہ بھی پڑھیں