اسلام آباد : وزیر اعظم عمران خان نے پارٹی رہنماؤں کا اہم اجلاس طلب کرلیا، اجلاس کل شام چار بجے بنی گالہ میں ہوگا، حکومت پرتنقید سے متعلق جوابی حکمت عملی ترتیب دی جائے گی۔
تفصیلات کے مطابق وزیراعظم عمران خان نے ملک کی موجودہ صورتحال اور پارٹی معاملات کے پیش نظر تحریک انصاف کے رہنماؤں کا اہم اجلاس طلب کرلیا۔
عمران خان نے یہ اجلاس کل شام چار بجے بنی گالہ میں طلب کیا ہے، جس میں حکومت پرتنقید سے متعلق جوابی حکمت عملی ترتیب دی جائے گی۔
اس حوالے سے ذرائع کا کہنا ہے کہ اجلاس میں ملکی سیاسی صورتحال پر تبادلہ خیال کیا جائے گا، اس کے علاوہ موجودہ حالات میں بہتری کے حوالے سے مشاورت اور میڈیا سے متعلق حکمت عملی تیار کی جائے گی۔
ذرائع کا کہنا ہے کہ اجلاس میں وزارتوں کی تبدیلی کے بعد کی صورتحال پر بات چیت ہوگی، وفاقی کابینہ میں تبدیلی اور اسد عمر کے استعفے کے بعد اپوزیشن کی جانب سے حکومت پر تنقید کا معاملہ بھی زیر بحث آئے گا۔
ذرائع کا مزید کہنا ہے کہ پارٹی رہنماؤں کو اجلاس میں شرکت یقینی بنانے کی ہدایت جاری کی گئیں ہیں۔ ذرائع کے مطابق وزیراعظم حکومت پرتنقید سے متعلق جوابی حکمت عملی دیں گے، سوشل میڈیا پربھی اپوزیشن حکومت کو ٹف ٹائم دے رہی ہے۔
