اسلام آباد : ڈی چوک پر احتجاج کے معاملے پر بانی پی ٹی آئی کےخلاف مزید 5 مقدمات درج ہوگئے، جس میں علی امین گنڈا پور سمیت دیگر افراد کو نامزد کیا گیا ہے۔
تفصیلات کے مطابق اسلام آباد چار اکتوبر کو ڈی چوک میں پی ٹی آئی کے احتجاج کے معاملے پر بانی پی ٹی آئی کے خلاف پانج مزید مقدمات درج کر لیے گئے۔
وزیر اعلیٰ کے پی کے علی امین گنڈا پور کے خلاف مزید دو مقدمات درج کر لیے گئے جبکہ سابق وزیر اعلی گلگت بلتستان خالد خورشید کو دو مقدمات میں نامزد کیا گیا ۔
اسلام آباد پی ٹی آئی کے صدر عامر مسعود مغل کے خلاف ترنول میں مقدمہ درج کرلیا گیا، تھانہ ترنول میں درج مقدمہ میں علی امین گنڈا پور، بانی پی ٹی آئی سمیت 34 افراد کو نامزد کیا گیا۔
تھانہ ترنول میں درج مقدمہ میں 350 نامعلوم افراد کو بھی نامزد کیا گیا اور مقدمے میں دہشت گردی سمیت 13 دفعات کے تحت درج کیا گیا۔
تھانہ کراچی کمپنی میں 8 سنگین دفعات کے تحت مقدمہ درج کیا گیا، مقدمہ میں عمران خان ، بیرسٹر گوہر، بیرسٹر سیف کو نامزد کیا گیا ،مقدمہ میں اعظم سواتی، خالد خورشید پر مالی معاونت کا الزام ہے، اس مقدمہ میں 20 دیگر افراد کو بھی نامزد کیا گیا جبکہ 250 نامعلوم افراد کو بھی نامزد کیا گیا ہے۔
تھانہ رمنا میں چھ سنگین دفعات کے تحت مقدمہ درج کیا گیا ،مقدمات میں بانی چیئرمین سمیت 50 نامعلوم افراد کو نامزد کیا گیا جبکہ تھانہ گولڑہ میں چھ سنگین دفعات کے تحت مقدمہ درج کیا گیا، مقدمے میں بانی پی ٹی آئی سمیت 32 افراد کو نامزد کیا گیا اور 200 نامعلوم ملزمان کو بھی نامزد کیا گیا۔
تھانہ آئی نائن میں دس سنگین دفعات کے تحت مقدمہ درج کیا گیا، مقدمے میں عمران خان ، علی مین گنڈا پور کو نامزد کیا گیا جبکہ سابق وزیر اعلی گلگت بلتستان ل، ملک عامر سمیت 19 افراد کو نامزد کیا گیا اور 300 نامعلوم افراد کو بھی نامزد کیا گیا ہے۔
