راولپنڈی: بانی پی ٹی آئی اور بشریٰ بی بی سے نئے نیب ریفرنس میں تفتیش کے لیے ٹیم جیل پہنچ کر انتظار کرتی رہی لیکن بانی پی ٹی آئی اور بشریٰ بی بی تفتیش میں شامل نہیں ہوئے۔
اڈیالہ جیل ذرائع کے مطابق قومی احتساب بیورو (نیب) کی ٹیم بانی پی ٹی آئی اور ان کی اہلیہ بشریٰ بی بی سے آج تفتیش کے لیے جیل پہنچی تھی لیکن دونوں تفتیش میں شامل نہیں ہوئے۔
نیب ٹیم ڈھائی گھنٹے تک تفتیشی روم میں دونوں کا انتظار کرتی رہی، جیل انتظامیہ نے بانی پی ٹی آئی اور بشریٰ بی بی کو متعدد پیغام بھجوائے لیکن اس کے باوجود دونوں تفتیشی ٹیم کے سامنے پیش نہیں ہوئے۔
ذرائع کے مطابق نیب ٹیم ڈھائی گھنٹے انتظار کے بعد واپس لوٹ گئی، ڈپٹی ڈائریکٹر نیب مستنصر شاہ نے بانی پی ٹی آئی اور بشریٰ بی بی سے جیولری سیٹ سے متعلق تفتیش کرنی تھی۔
خیال رہے کہ کل صبح بانی پی ٹی آئی اور بشریٰ بی بی کو عدالت میں پیش کیا جائے گا۔
