The news is by your side.

عمران خان نے آرام کے بجائے پارٹی رہنماؤں اور وکلا کا اجلاس طلب کر لیا

لاہور: چیئرمین تحریک انصاف عمران خان نے آرام کے بجائے پارٹی رہنماؤں اور وکلا کا اجلاس طلب کر لیا۔

تفصیلات کے مطابق چیئرمین پی ٹی آئی عمران خان اپنی رہائشگاہ زمان پارک میں موجود ہے، عمران خان نے اپنی رہائش گاہ پر آرام کے بجائے پارٹی رہنماؤں اور وکلا کا اجلاس طلب کر لیا۔

وکلا کا اجلاس دوپہر ایک بجے کے بعد شروع ہو گا، جس میں وکلاء سے ایف آئی آر درج کروانے کے حوالے سے قانونی حکمت عملی پر مشاورت ہوگی۔

وکلا سےسپریم کورٹ کے سامنے اعلان کردہ احتجاج کے حوالے سے بھی تجاویز مانگی جائیں گی۔

دوپہر کے بعد پارٹی رہنماؤں سے منگل کو دوبارہ شروع ہونے والی حقیقی آزادی مارچ کے حوالے سے بات چیت ہوگی۔

گزشتہ روز اسپتال سے ڈسچارج ہونے پر ڈاکٹرز نے عمران خان کو 2 ہفتے مکمل آرام کا مشورہ دیا تھا۔

Comments

یہ بھی پڑھیں