لاہور : چیئرمین پی ٹی آئی عمران خان کی زیر صدارت اجلاس میں اہم فیصلے کئے گیےاور کہا گیا کہ عمران خان ہفتہ کو روات میں راولپنڈی پہنچنے کی تاریخ دیں گے۔
تفصیلات کے مطابق چیئرمین تحریک انصاف عمران خان کی زیر صدارت پارٹی رہنماؤں کا مشاورتی اجلاس ہوا۔
اجلاس شاہ محمود،اسد عمر ،پرویز خٹک ،فواد چوہدری،شیریں مزاری شریک مراد سعید،ڈاکٹریاسمین راشد،حماد اظہراور دیگرمرکزی رہنما شریک ہوئے۔
مشاورتی اجلاس میں حقیقی آزادی مارچ کے آئندہ کے مراحل اور راولپنڈی پہنچنے کی تاریخ کے حوالے سے معاملات پرغورکیا گیا۔
اجلاس میں وفاقی حکومت کے اقدامات اورجوابی حکمت عملی بھی غور ہوا۔
اجلاس میں طے ہوا کہ عمران خان ہفتہ کو روات میں خطاب کے دوران اس بات کافیصلہ کریں گے کہ سب نے راولپنڈی کب پہنچنا ہے۔
اس حوالے سے پی ٹی آئی رہنما اسد عمر نے سماجی رابطے کی ویب سائٹ پر کہا کہ لانگ مارچ کے پنڈی آمد کی تاریخ کا اعلان عمران خان ہفتے کو جلسے میں کریں گے۔
