لاہور : تحریک انصاف کے چیئرمین عمران خان نے کہا ہے کہ اپنے مطالبات سے کسی صورت پیچھے نہیں ہٹیں گے، حقیقی آزادی مارچ اب اور آگے بڑھے گا۔
تفصیلات کے مطابق پاکستان تحریک انصاف کی قیادت کی اپنے سربراہ کی اسپتال سے گھر واپسی کے بعد دوبارہ مشاورت کیلئے سر جوڑ کر بیٹھ گئی۔
اس حوالے سے چیئرمین عمران خان کی زیر صدارت زمان پارک کی رہائش گاہ میں پارٹی کا مشاورتی اجلاس منعقد ہوا جس میں آزادی مارچ کے حوالے سے غورو خوص کیا گیا۔
اس اہم اجلاس میں پی ٹی آئی ائی کے سینئر نائب صدر شاہ محمود قریشی، اسد عمر ،فواد چوہدری، عمر سرفراز چیمہ، مسرت جمشید چیمہ اور دیگر رہنما بھی موجود تھے۔
اجلاس میں وزیر آباد اور فیصل آباد سے لانگ مارچ کی قیادت کے امور پر مشاورت اور قاتلانہ حملے کی ایف آئی آر کے اندراج اور سیکیورٹی سے متعلق معاملات پر بھی گفتگو کی گئی ۔
اجلاس سے خطاب کرتے ہوئے چیئرمین پی ٹی آئی عمران خان نے کہا کہ لانگ مارچ آگے بڑھے گا، ہم اپنے مطالبات سے کسی صورت پیچھے نہیں ہٹیں گے۔
