لاہور : چیئرمین تحریک انصاف عمران خان نے لانگ مارچ منگل کے بجائے بدھ سے شروع کرنے کا اعلان کردیا۔
تفصیلات کے مطابق چیئرمین تحریک انصاف عمران خان کی جانب سے لانگ مارچ کی تاریخ تبدیل کردی گئی۔
عمران خان نے کہا کہ لانگ مارچ منگل کے بجائے اب بدھ سےشروع ہو گا، شاہ محمود قریشی وزیرآباد سے لانگ مارچ کی قیادت کریں گے جبکہ اسد عمر فیصل آباد سے قافلے کی قیادت کریں گے۔
چیئرمین پی ٹی آئی نے کہا فیصل آباد سے مارچ جھنگ سرگودھا میانوالی اورلیہ سے ہوتا ہوا اسلام آباد پہنچے گا۔
اس حوالے سے تحریک انصاف کے رہنما فوادچوہدری نے سماجی رابطے کی ویب سائٹ ٹوئٹر پر اپنے بیان میں کہا کہ وزیر آباد سے لانگ مارچ اب کل کے بجائے پرسوں دوپہر 2 بجے سے شروع ہو گا۔
وزیر آباد سے لانگ مارچ اب کل کی بجائے پرسوں سے 2 بجے دوپہر سے شروع ہو گا
— Ch Fawad Hussain (@fawadchaudhry) November 7, 2022
گذشتہ روز پاکستان تحریک انصاف کے چیئرمین عمران خان نے اعلان کیا تھا کہ جہاں مجھے گولیاں لگیں وہیں سے منگل کو مارچ دوبارہ شروع ہوگا۔
ان کا کہنا تھا کہ ہمارا لانگ مارچ 10 سے 15 دن میں پنڈی پہنچے گا، میں خود پنڈی آؤں گا، پورے پاکستان سے لوگ آئیں گے، اور خود انھیں لیڈ کروں گا۔
