منگل, فروری 18, 2025
اشتہار

کراچی : گلشن اقبال میں عمران خان کرکٹ گراؤنڈ سیل کردیا گیا

اشتہار

حیرت انگیز

کراچی : ضلعی انتظامیہ نے گلشن اقبال میں عمران خان کرکٹ گراؤنڈ سیل کردیا، عمران خان کرکٹ گراؤنڈ سابق ایم این اے عالمگیر خان نے تعمیر کرایا تھا۔

تفصیلات مطابق کراچی کے علاقے گلشن اقبال میں ضلعی انتظامیہ شرقی کی پراپرٹی پر قبضے کیخلاف ایکشن لیتے ہوئے ضلعی انتظامیہ نے عمران خان کرکٹ گراؤنڈ کو سیل کردیا۔

ضلعی انتظامیہ نےگراؤنڈ کے اندر قبضہ مافیا کی تجاوزات مسمار کردیں ، ایڈمنسٹریٹر ضلع شرقی شکیل احمد نے بتایا کہ گراؤنڈ کا نام ، تختی ہٹاکرضلعی انتظامیہ کا بورڈ لگایا جائے گا۔

2سال سےگراؤنڈ میں سیاسی جماعت کی سرگرمیاں جاری تھیں ، نوٹس کے باوجود پارک خالی نہ کیا گیا، سپریم کورٹ کےاحکامات ہیں پارکوں کو اصل حالت میں لانا ہے۔

عمران خان کرکٹ گراؤنڈ سابق ایم این اے عالمگیر خان نے تعمیر کرایا تھا، انتظامیہ نے کہا کہ تعمیرات ایم این اے فنڈ سے کرائی گئی تھی، کرکٹ گراؤنڈ ڈی ایم سی کی ملکیت ہے۔

ضلعی انتظامیہ کے مطابق پارک کاقبضہ نہیں چھوڑا جارہا تھا، نام بھی منظور نہیں کرایا گیا تھا ، نام کی منظوری نہ ہونےکےباعث گراؤنڈکےبورڈزبھی گرائےجائیں گے۔

اہم ترین

مزید خبریں