فیصل آباد : سابق وزیر مملکت فرخ حبیب نے کہا ہے کہ عمران خان نے قومی خودمختاری اور غیرت کی حفاظت کی، پوری قوم کپتان کے ساتھ ہے اور رہے گی۔
سابق وزیر مملکت فرخ حبیب نے پی ٹی آئی کارکنوں کے لئے سماجی رابطے کی ویب سائٹ ٹوئٹر پر ایک ویڈیو پیغام جاری کیا ہے۔
فرخ حبیب نے کہا ہے کہ عمران خان نے وعدہ پورا کیا، وہ نہ جھکا اور نہ بکا بلکہ ڈٹ کے میدان میں کھڑا رہا، عمران خان کے تمام راستے بند کردیئے گئے تھے۔
آج پوری قوم اپنے کپتان عمران خان سے اظہار یکجہتی کے لئے اپنے اپنے اضلاع میں نکلے باہر #امپورٹڈ_حکومت_نامنظور۔
انشاللہ آج فیصل آباد سے 9 بجے رات ڈی ٹائپ پل تا گھنٹہ گھر ریلی کی قیادت خود کروں گا۔ pic.twitter.com/b8gaiKCQqt— Farrukh Habib (@FarrukhHabibISF) April 9, 2022
ان کا کہنا تھا کہ عمران خان نے قومی خودمختاری اور غیرت کی حفاظت کی، اس امپورٹڈ حکومت کو ہم کسی صورت نہیں مانتے۔
فرخ حبیب نے کہا کہ پوری قوم آج بروز اتوار عشاء کی نماز کے بعد احتجاج کے لئے نکلے، عوام بیرونی سازش کی کٹھ پتلیوں کے خلاف احتجاج ریکارڈ کروائیں، ہم ثابت کریں گے قوم کپتان کے ساتھ ہے اور آئندہ بھی رہے گی۔
